"Kəpəz"in yarımmüdafiəçisi Moldova millisinə dəvət alıb

“Kəpəz”in yarımmüdafiəçisi Viktor Stina Moldova milli komandasına çağırılıb.

Operativ Media xəbər verir ki, 30 yaşlı futbolçu UEFA Millətlər Liqasının K qrupunda Slovakiya, Farer adaları və Qazaxıstana qarşı keçiriləcək oyunlarda Moldova yığmasının heyətində yer ala bilər.

Moldova millisi Slovakiya ilə sentyabrın 26-sı və oktyabrın 6-sı, Farer adaları ilə sentyabrın 29-u, Qazaxıstanla isə oktyabrın 2-də qarşılaşacaq.

Viktor Stina “Kəpəz”də 4 oyunda 2 qol vurub. O, Moldova millisinin heyətində isə 30 matçda 4 qola imza atıb.