Azərbaycan və Əlcəzair boksçuları Şamaxıda bir araya gəlib

Boks üzrə gənc oğlan və qızlardan ibarət Azərbaycan milliləri növbəti təlim-məşq toplanışına başlayıb.

Operativ Media xəbər verir ki, hər iki komanda ölkəmizdə səfərdə olan Əlcəzair yığmaları ilə birgə hazırlığı Şamaxıda keçir.

Məşqçilər korpusu toplanışa son beynəlxalq turnirlərdə özlərini yaxşı tərəfdən göstərən boksçuları cəlb edib. Hazırlıq prosesində əsas diqqət texniki-taktiki hazırlığa yönəldiləcək.

10 gün davam edəcək məşqlər çərçivəsində sınaq döyüşlərinin keçirilməsi də planlaşdırılır.