“Ayntraxt”ın hücumçusu Almaniya millisində oynayacaq

“Ayntraxt”ın hücumçusu Yunus Ebnutalib Almaniya millisinin heyətində çıxış etmək qərarını verib.

Operativ Media xəbər verir ki, futbolçu bu seçimində Almaniya millisinin baş məşqçisi Yurgen Kloppun ona zəng etməsinin əsas amillərdən biri olduğunu bildirib.

Ebnutalib Mərakeş Futbol Federasiyası ilə də danışdığını qeyd edib. O, hər iki ölkəni sevdiyini və hər ikisinin onun vətəni olduğunu vurğulayıb.

“Bəli, Mərakeş federasiyası ilə danışmışdım. Amma Yurgen Klopp sənə zəng edəndə ona “yox” deyə bilməzsən. Mən hər iki ölkəni sevirəm. Hər ikisi mənim vətənimdir və həmişə Mərakeşə ən yaxşısını arzulayacağam”, - deyə futbolçu “Sky Sport”a açıqlamasında bildirib.

Qeyd edək ki, Almaniya Futbol İttifaqı (DFB) iyulun 24-də Yurgen Kloppun milli komandanın baş məşqçisi təyin olunduğunu açıqlayıb. Onun müqaviləsi 2028-ci ilin yayına qədər nəzərdə tutulub və 2030-cu ilə qədər uzadılması mümkündür.