"Araz-Naxçıvan" "Neftçi" və "İmişli" ilə qarşılaşacaq

Milli komandaların oyunları ilə əlaqədar Misli Premyer Liqasında yaranmış fasilədən istifadə edən “Araz-Naxçıvan” iki yoxlama qarşılaşması keçirəcək.

Operativ Media xəbər verir ki, bu barədə Naxçıvan təmsilçisinin mətbuat xidmətindən məlumat verilib.

Məlumata görə, komanda sentyabrın 27-si saat 16:00-da Bakı Olimpiya Stadionunun (BOS) ehtiyat meydançasında “İmişli” ilə üz-üzə gələcək.

Növbəti sınaq matçı isə oktyabrın 2-də nəzərdə tutulub. Naxçıvan klubunun rəqibi “Neftçi” olacaq. Qarşılaşmanın keçiriləcəyi məkan və saat barədə əlavə məlumat veriləcək.