Azərbaycanın buğda ehtiyatları azalıb

Azərbaycanın buğda ehtiyatları 2025-ci ildə 3 299 041 ton təşkil edib.

Operativ Media xəbər verir ki, bu barədə Dövlət Statistika Komitəsinin hesabatında qeyd olunub.

Hesabata əsasən, ehtiyatların həcmi 2024-cü il ilə müqayisədə 1,3%, 2020-ci il ilə müqayisədə isə 18,5% azalıb.

Ötən il buğda istehsalı 1 573 326 ton, idxal 1 267 322 ton təşkil edib.

Əhalinin şəxsi istehlak fondu üzrə buğdanın çəkisi isə 2020-ci ildən bəri 2,7 dəfə azalaraq 32 187 ton təşkil edib.