Hakan Fidan və Entoni Blinken arasında telefon danışığı olub

Türkiyənin xarici işlər naziri Hakan Fidan və ABŞ Dövlət katibi Entoni Blinken arasında telefon danışığı olub.

"Operativ Media" xəbər verir ki, bu barədə Türkiyə Xarici İşlər Nazirliyi məlumat yayıb.

Bildirilib ki, telefon danışığı zamanı tərəflər "Taxıl Sazişi"nin müddətinin uzadılması, NATO-nun genişlənməsi, İsveçin NATO-ya üzvlüyü və narkotik maddələrin ticarəti ilə birgə mübarizə kimi məsələləri müzakirə ediblər.