Dövlət Departamenti: Ümid edirik ki, yaxın aylarda Ermənistan-Azərbaycan dialoqunun davam etdiriləcəyini görəcəyik

ABŞ Ermənistan və Azərbaycan arasında aparılan danışıqları dəstəkləməkdə davam edir.

"Operativ Media" xəbər verir ki, bunu jurnalistlərlə keçirdiyi brifinqdə Dövlət Departamentinin rəsmi nümayəndəsi Metyu Miller bildirib və qeyd edib ki, ABŞ hələ də razılaşmanın mümkün olduğuna inanır və gələcək danışıqları gözləyir.

“Biz dialoqu dəstəkləməyə davam edirik və bunun ən yaxşı yol olduğuna inanırıq. Ümid edirik ki, qarşıdakı aylarda bu dialoqun davamını görəcəyik”.