İsveç Baş naziri: Biz Türkiyə ilə daha sıx iqtisadi əlaqələrin tərəfdarıyıq

"Uzun müddət üçün buradayıq. Terror və mütəşəkkil cinayətkarlıqla mübarizədə qərarlıyıq".

"Operativ Media" xəbər verir ki, bunu İsveçin Baş naziri Ulf Kristersson bildirib.

İsveçin baş naziri Ulf Kristersson NATO Sammitinin keçirildiyi Litvanın paytaxtı Vilnüsdəki Litexpo-ya gəlişi ilə bağlı jurnalistlərin suallarını cavablandırıb.

“İsveçin NATO-ya üzvlüyü ilə bağlı dünən çox mühüm qərar qəbulu addımları atdıq”. Kristersson Rəcəb Tayyib Ərdoğan və NATO-nun baş katibi Yens Stoltenberqlə çox yaxşı görüşlər keçirdiklərini bildirib.

"Biz bütün NATO üzvlərinin bunu bilməsini istəyirik: İsveç də Alyansın təhlükəsizliyini təmin edəcək. Biz uzun müddət üçün buradayıq. Biz terrorizm və mütəşəkkil cinayətkarlıqla mübarizədə qərarlıyıq. İsveçin Alyansa töhfə verəcəyi çox şey var. Dünən əldə olunan nəticədən çox razıyam. İndi təsdiqlərin tamamlanmasını səbirsizliklə gözləyirik”, - o, qeyd edib.