Çin mərkəzli texnologiya nəhəngi Xiaomi avqust ayında təşkil edəcəyi tədbirlər zamanı hazırladığı dörd yeni cihazı təqdim edəcək.
"Operativ Media" dünya mətbuatına istinadən xəbər verir ki, sızan məlumata görə, Xiaomi-nin bu yeni modellərinə yerli tənzimləyicilər tərəfindən sertifikatlaşdırılmış Xiaomi Mix Fold 3, Redmi K60 Extreme Edition, Redmi Pad 2 və Xiaomi Pad 6 Max daxildir.
İlkin təfərrüatlar Xiaomi Mix Fold 3-ün sələfindən daha nazik və yüngül olacağını və həmçinin Leica kamerasına sahib olacağını deməyə əsas verir. Redmi K60 Extreme Edition-ın MediaTek Dimensity 9200+ prosessoruna, 1,5K təsvir ölçülü OLED displeyinə və 50 meqapiksellik kameraya sahib olacağı deyilir. Redmi Pad 2 isə 10,95 düymlük ekrana və Snapdragon 680 prosessoruna sahib olacaq.
