PlayStation 5-in yeni versiyasının görüntüsü sızdırılıb (VİDEO)
Yaponiya mərkəzli texnologiya şirkəti Sony-nin yeni PlayStation 5 modelini hazırladığı iddia edilib. Hətta bu versiyaya aid olduğu iddia edilən görüntü ortaya çıxıb.
"Operativ Media" xəbər verir ki, bu barədə sosial şəbəkələrdə məlumat yayılıb.
Məlumata görə, Sony-nin PlayStation 5 (PS5) konsolu üçün çıxarıla bilən disk sürücüsünə malik olan "PS5 Slim" adlı versiya üzərində işlədiyinə dair iddialar var. Bu iddialar yeni sızan şəkillər və videolarla gücləndirilib. Bu sızmalar PS5 Slim-in daha incə və qısa dizayna malik olduğunu göstərir.
Bu gün Çin forumunda sızan şəkillər PS5 Slim modelinin plastik korpusu və disk sürücüsü üçün çıxıntı, havalandırma deşikləri üçün kiçik sahə və korpusun hər iki tərəfindəki yarıqlar kimi detalları üzə çıxarıb. O, həmçinin cari PS5 modellərində olan tək USB-C və USB-A portlarını əvəz edən ön tərəfdə ikili USB-C portlarına malikdir.
