03 Dekabr 2022, 20:40
Bərdədə avtomobil qəzası olub, bir nəfər ölüb
Bərdədə iki avtomobilin toqquşması nəticəsində sürücülərdən biri ölüb, digəri yaralanıb.
"Operativ Media" xəbər verir ki, hadisə Hindarx-Borsunlu yolunun rayonun Soğanverdilər kəndi ərazisindən keçən hissəsində baş verib. Hərəkətdə olan "Mercedes" markalı avtomobilin qarşısına "VAZ-21011” markalı avtomobil çıxıb. Nəticədə VAZ markalı avtomobilin sürücüsü, 70 yaşlı Məmmədov Cavanşir Məstan oğlu hadisə yerində həyatını itirib. "Mercedes"in sürücüsü, 45 yaşlı Qarayev Nürəddin isə bədən xəsarətləri ilə Bərdə Mərkəzi Diaqnostika şöbəsinə çatdırılıb. Faktla bağlı araşdırma aparılır.