"Google" Android smartfonları üçün “Axtarmaq üçün dairə” adlı yeni axtarış funksiyasını təqdim edib.

"Operativ Media" xəbər verir ki, bu barədə "Google Blog" məlumat yayıb.
Yeni funksiya istifadəçilərə ekranda dairə çəkərək vurğuladıqları elementi axtarmaq imkanı verir.

Xüsusiyyətin rəsmi adı "Axtarmaq üçün dairə" (“Circle to Search”) olsa da, istifadəçilər bu axtarış seçimini aktivləşdirmək üçün təkcə oval çərçivə  çəkməli deyil, həmçinin toxuna və ya üzərini cızaraq da axtara bilərlər.

Yenilik cihazın istənilən yerində işləyir, lakin onu aktivləşdirmək üçün Ana Səhifəyə və Axtarış panelinə keçmək lazımdır.

Google bu funksiyanı müxtəlif proqramlar arasında keçid üçün daha alternativ kimi təqdim edir, məsələn, elementlərin görüntülərini çəkib, "Google Lens"ə əlavə edib, daha sonra orada axtarışa vermək əvəzinə bu funksiyadan istifadə etmək daha əlverişlidir.

"Circle to Search" 31 yanvarda bütün dünyada aktivləşəcək və ilkin olaraq, yalnız Pixel 8 seriyası və Samsung Galaxy S24-də əlçatan olacaq.