"Bəzən avtomobilin həddindən artıq yüklənməsi nəticəsində yol-nəqliyyat hadisələri baş verir. Çox təəssüf ki, eyni proses silahlı qüvvələrdə də baş verir".
"Operativ Media" xəbər verir ki, “Müstəqil Nəqliyyatçılar” İctimai Birliyinin sədr müavini, nəqliyyat eksperti Elməddin Muradlı yol hərəkəti təhlükəsizliyi haqqında mətbuat konfransında bildirib.
"Azad olunmuş ərazilərdə hərbi qulluqçularımız tez-tez yol qəzalarına düşürlər və həyatlarını itirirlər. Ona görə də biz təklif edirik ki, həmin ərazilərdə istər ordu sıralarında, istərsə də mülki şəxslər arasında ciddi təbliğat aparılsın".
O, qeyd edib ki, onların iş və istirahət rejimi ciddi şəkildə nəzarət altında saxlanılmalıdır.
