2024-cü ilin əvvəlində Rusiya ilə Azərbaycan arasında milli valyutalarda qarşılıqlı hesablaşmalar 54%-i ötüb.
"Operativ Media" xəbər verir ki, bu barədə Rusiyanın Bakıdakı səfiri Mixail Evdokimov bildirib.
"Biz 2023-cü ildə Rusiya ilə Azərbaycan arasında ticarət dövriyyəsinin 4 milyard dollara çatacağını proqnozlaşdırmışdıq. Ancaq yanılmışıq. 4,4 milyard dollarla 17% artım qeydə alınıb. Sanksiyalar ona gətirib çıxardı ki, əlaqələrimiz daha da yaxınlaşıb, biz çox ciddi tədbirlər həyata keçiririk, - deyə diplomat “İzvestiya” nəşrinə bildirib.
