http://operativmedia.az/frontend/img/svg/proqnozu.svg
Bakı 18 ° C

"Biznes qurumları bayramlardan istehlakçını aldatmaq üçün istifadə edirlər" - Ekspert

12 Fevral 2024 , 11:15
"Biznes qurumları bayramlardan istehlakçını aldatmaq üçün istifadə edirlər" - Ekspert

Özəl günləri özəl şəkildə qeyd etmək lazımdır. Həmin əlamətdar günləri isə restoran və hotel şəbəkələri əla fürsətə çevirirlər. Məsələn, 2 gün sonra ölkəmizdə də "Sevgililər günü" qeyd olunacaq. Məhz bu səbəbdən həmin gün restoranlardakı qiymətlər hər zamankından 2 qat baha təklif olunur. Hətta bir çox müştəri indidən yer tapmaqda çətinlik çəkir. Bəs əlamətdar günlərdə restoranlarda süni qiymət artımının olması nə qədər doğrudur?

Mövzu ilə əlaqədar Azad İstehlakçılar Birliyinin sədri Eyyub Hüseynov "Operativ Media"ya bildirib ki, bu, istehlakçı hüquqlarının pozulmasıdır:

"Belə məsələlərin kökünü qanunlarda axtarmaq lazımdır. "İstehlakçıların hüquqlarının müdafiəsi haqqında" qanun 1995-ci ildə qəbul olunub, daha sonra 7 dəfə dəyişiklik aparılıb, hamısı da istehlakın zərərinə olub. Bundan əlavə hökümət biznes qurumları üçün toxunulmazlıq şəraiti yaradıb. Belə bir şəraitdə onlar vəziyyətdən sui-istifadə edir və qiyməti istədiyi kimi qaldırıb istehlakçı hüquqlarını pozurlar. Təəssüflər olsun ki, dövlət qurumları biznes qurumlarına müdaxilə edə bilmir. Şikayətlər hamısı yerdə qalır. qiymət qalxır, keyfiyyət aşağı düşür. Hökumət işi elə bir şəkildə aparmalıdır ki, bu sahədə inhisarçılıq olmasın, çoxlu biznes qurumlara bazara girsin ki, bəlkə bu vasitə ilə qiymətlər ucuzlaşar. Ancaq buna diqqət yetirən yoxdur, ona görə də bu vəziyyətdən sui-istifadə edilir və istənilən bayramda qiymət qalxır, sonradan da aşağı düşmür. Bu tendensiya daim davam edir və heç kəs bu məsələlərə müdaxilə etmir".

Ekspert restoranlarla bağlı digər nüanslara da toxunub:

"Artıq səkkiz ildən çoxdur ki, Azərbaycanda, xüsusən Bulvarda bir çayı 50 manata vermək, mürəbbə istəməyəndə çay verməmək, üzü dənizə tərəf oturmağın ödənişli olması, "Face Control" və s. kimi əcaib hallar var. Düşünürəm ki, bunlarla bağlı Nazirlər Kabinetinin qərarı olmalıdır və burada servis haqqı və digər məsələlər də öz əksini tapmalıdır. Biznes qurumları bayramlardan istehlakçını aldatmaq üçün istifadə edirlər. Hesab edirəm ki, bu əksinə olmalıdır. Bayramlarda qiymətlər aşağı düşməlidir ki, insanlar, doğrudan da, həmin özəl günün ab-havasını hiss edə bilsinlər".

OXŞAR XƏBƏRLƏR
Bakıda qaraj içərisindəki avtomobillə birlikdə yanıb

Bakıda qaraj içərisindəki avtomobillə birlikdə yanıb

Sabahdan DİM-də imtahan protokolları və cavab vərəqlərinin emalına başlanılacaq

Sabahdan DİM-də imtahan protokolları və cavab vərəqlərinin emalına başlanılacaq

Bu gün 52 mindən çox şagird buraxılış imtahanı verib - YENİLƏNİB

Bu gün 52 mindən çox şagird buraxılış imtahanı verib - YENİLƏNİB

XƏBƏR LENTİ
  • Dünən
    22:08

    Fransız fermerlər yenidən etirazlara başlayırlar
  • Dünən
    21:12

    Gürcüstan Bakı və İrəvana danışıqlar üçün platforma təklif edir
  • Dünən
    21:11

    "Qarabağ" böyükhesablı qələbə qazandı
  • Dünən
    20:56

    Antalya Diplomatiya Forumu başa çatıb
  • Dünən
    20:18

    Ombudsman: Mina xəritələrinin Bakıya verilməsi üçün beynəlxalq ictimaiyyət İrəvana təzyiq göstərməlidir
    Ombudsman: Mina xəritələrinin Bakıya verilməsi üçün beynəlxalq ictimaiyyət İrəvana təzyiq göstərməlidir
  • Dünən
    19:35

    Rusiya gələn aydan etibarən neft ixracını azaldır
    Rusiya gələn aydan etibarən neft ixracını azaldır
  • Dünən
    19:22

    Malatyada 4.4 maqnitudalı zəlzələ olub
  • Dünən
    18:28

    Qazaxıstanın Baş naziri sabah Rusiyaya gedəcək
Menyu