Çinin "Lenovo" şirkəti bazarda ilk şəffaf ekranlı noutbuku təqdim edəcək.

"Operativ Media" xəbər verir ki, bu barədə “Windows Report” məlumat yayıb.

Belə ki, şirkət tam şəffaf OLED displeyli noutbuk təqdim etməyi planlayır. İşıq cihazın ön hissəsindən parlayacaq və kompüteri söndürəndə klaviatura yeni ekranda aydın görünəcək.

Cihazın şəffaf matrisə malik olmasının səbəbi böyük ehtimal şirkətin imic məqsədləri güdməsi ilə bağlıdır. "Lenovo" noutbukun məqsədini fevralın 26-29-da Barselonada keçiriləcək "Mobile World Congress 2024" (MWC) sərgisində açıqlayacaq.

Bildirilib ki, yeni kompüter düz çərçivəli metal korpusa, böyük sensor panelə və qara ekran dəstəyinə malikdir.