Telefon alarkən hansı funksiyalarına baxmaq lazımdır?

İnsanların əksəriyyət telefon alarkən qiymətindən sonra onun mükəmməl kamera və video çəkilişlərinin olmasına diqqət yetirir. Lakin telefonun keyfiyyətli olub-olmamasını təkcə bu xüsusiyyətlərindən anlamaq mümkün deyil.

Bəs telefon alarkən onun hansı funksiyalarına diqqət yetirmək lazımdır?

Telefon ustası Məhəmməd Əzimov "Operativ Media"ya açıqlamasında bildirib ki, yeni telefon alarkən ilk olaraq onun RAM və yaddaşına baxmaq vacibdir:

"Çünki RAM telefon sisteminin idarə olunmasında böyük rol oynayır. Bundan əlavə, yaddaş kameraya uyğun şəkildə olmalıdır. Məsələn, kamera 108 MP olduqda bir şəkil 13.7 MB yer tutduğuna görə telefonun yaddaşı 256 GB olmalıdır. İkinci növbədə internet vasitəsi ilə ən yeni prosessora baxmaq lazımdır. Prosessor telefonun ürəyi deməkdir və nə qədər yeni olarsa, o qədər də uzunömürlü olmağı deməkdir. Dövrümüzdə ən yeni prosessor "MediaTek Helio G99"dur. Son olaraq ekran keyfiyyətinə baxmalı və tezliyini bilməliyik. "IPS", "Amoled", "Super Amoled" kimi ekran növləri var. Super amoled ekranlar 120 fps işlətmə icazəsi verir və büdcəsi yüksək olur".