Şəmkirdə zəhərlənmə faktı qeydə alınıb.

"Operativ Media" APA-nın yerli bürosuna istinadən xəbər verir ki, hadisə rayonun Keçili kəndində baş verib.

1991-ci il təvəllüdlü N.Qurbanova zəhərlənmə diaqnozu ilə xəstəxanaya yerləşdirilib.

Qadına tibbi yardım göstərilib, vəziyyətinin ağır olduğu bildirilir.

Məlumata görə, qadın ailədə mübahisə etdikdən sonra sirkə turşusu içib.

Faktla bağlı araşdırma aparılır.