Türkiyə ABŞ-yə yeni səfir təyin edib

Türkiyənin Vaşinqtondakı səfiri vəzifəsi Sedat Önala, Türkiyənin BMT-dəki daimi nümayəndəsi vəzifəsi isə Ahmed Yıldıza həvalə olunub.

"Operativ Media" xəbər verir ki, bu barədə diplomatik mənbələrinə istinadən "TRT Haber" məlumat paylaşıb. 

Məlumata görə, xarici işlər naziri Hakan Fidan Türkiyənin Vaşinqtondakı səfiri və BMT-dəki daimi nümayəndəsinin yeni vəzifələrini telefonla bildirib.

Qeyd edək ki, Türkiyənin Vaşinqtondakı yeni səfiri Önal bundan əvvəl BMT-dəki daimi nümayəndə vəzifəsində çalışıb. Onun cari vəzifəsi isə Ahmed Yıldıza etibar edilib.