Birləşmiş Millətlər Təşkilatı (BMT) İsrailin 4 aydan artıqdır hücumlar həyata keçirdiyi Qəzza zolağında "təhlükəsiz yer olmadığına" işarə edərək, bölgədəki 153 obyektinin vurulduğunu açıqlayıb.

"Operativ Media" xəbər verir ki, bu barədə BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) sosial media hesabında məlumat yerləşdirilib. 

"Hərbi əməliyyatlar davam edərkən Qəzza zolağında heç bir yer təhlükəsiz deyil", - məlumata əlavə edilib.

Qəzzada mülki infrastrukturun böyük zərər gördüyünə diqqət çəkən açıqlamada qeyd edilib: "Qida istehsalı dayandı, xəstəxanalar döyüş bölgəsinə çevrildi. Atəşkəs üçün gecikirik".