Fevralın 22-də Husi üsyançıları tərəfindən hücuma məruz qalan Britaniya gəmisinə cüzi ziyan dəyib. 

"Operativ Media" xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

"Səna vaxtı ilə 8:30 (Bakı vaxtı ilə 9:30) ilə 9:45 arasında Husilər Yəmənin cənubundan Ədən körfəzinə doğru iki gəmi əleyhinə ballistik raket atıblar. Böyük Britaniya və Palau Respublikasının bayrağı altında dalğalanan gəmi yüngül zədələnib, bir nəfər yüngül xəsarət alıb", - komandanlığın "X" səhifəsində deyilir.

Hadisədən sonra gəminin öz marşrutu ilə davam etdiyi qeyd edilir.