Blinken: Yeni sanksiyalar ABŞ-nin Rusiyaya qarşı tətbiq etdiyi ən böyük sanksiyalardır

Fevralın 23-də dərc edilən sanksiya siyahısı Vaşinqtonun Rusiyaya qarşı tətbiq etdiyi ən böyük sanksiyalar siyahısına çevrilib. 

"Operativ Media" xəbər verir ki, bunu ABŞ dövlət katibi Antoni Blinken Argentinanın xarici işlər naziri Diana Mondino ilə birgə mətbuat konfransında deyib.

"Bu, Rusiya ilə bağlı bir paketdə indiyədək tətbiq etdiyimiz ən böyük sanksiyadır", - diplomat qeyd edib.

Blinken xatırladıb ki, 500-dən çox fiziki və hüquqi şəxsə, xüsusən də Rusiyanın Ukraynada xüsusi hərbi əməliyyata başlamasına cavab olaraq məhdudiyyətlər və ixrac məhdudiyyətləri tətbiq edilib.

Bundan əvvəl ABŞ Maliyyə Nazirliyi Rusiya və digər ölkələrdən olan fiziki və hüquqi şəxslərin də daxil olduğu yeni anti-Rusiya sanksiya siyahılarını dərc edib.