Ağ Ev Navalnının ölümü ilə bağlı yeni addımlar atdığını açıqlayıb

"ABŞ prezidenti Co Baydenin administrasiyası Aleksey Navalnının ölümü ilə bağlı yeni addımlar atacaq, cümə günü tətbiq edilən sanksiyalar yalnız başlanğıc idi". 

"Operativ Media" xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlər üçün keçirdiyi növbəti brifinqdə bildirib.

"Biz administrasiyadan Navalnının ölümünə görə Kremlin cavabdehlik daşıması üçün daha çox addımlar atacağını gözləməliyik. Bu gün qəbul edilən sanksiyalar yalnız başlanğıc idi", - Kirbi bildirib. 

Bundan əvvəl ABŞ Xəzinədarlığı Vaşinqtonun Navalnının ölümü ilə əlaqədar üç Rusiya rəsmisinə qarşı sanksiyalar tətbiq etdiyini bildirmişdi.