ABŞ Cənub Komandanlığının rəhbəri apreldə Argentinaya səfər edəcək

ABŞ Cənub Komandanlığının rəhbəri Laura Riçardson apreldə Argentinaya səfər edəcək. 

"Operativ Media" xəbər verir ki, bu barədə Cənubi Amerika ölkəsinin xarici işlər naziri Diana Mondino məlumat verib.

"Cədvəl artıq Energetika Departamentinin müşaviri, Ticarət Departamentinin nümayəndəsi və Dövlət Departamentinin siyasət planlaşdırması rəhbərinin səfərləri üçün nəzərdə tutulub. Hər üç səfər mart ayında olacaq", - deyə Mondino ABŞ dövlət katibi Antoni Blinkenlə birgə mətbuat konfransında bildirib.