KİV: Boris Conson Ukrayna ilə bağlı danışıqlar aparmaq üçün gizlicə Venesuelaya gedib

Böyük Britaniyanın keçmiş baş naziri Boris Conson fevral ayında ölkə lideri Nikolas Maduro ilə qeyri-rəsmi danışıqlar aparmaq üçün Venesuelaya gedib. Böyük Britaniyanın keçmiş baş naziri Venesuela prezidenti ilə Ukraynadakı müharibə barədə danışıb, ölkənin Rusiyaya silah və ya hərbi dəstək verə biləcəyindən ehtiyat edib.

"Operativ Media" xəbər verir ki, bu barədə "The Sunday Times" yazır.

O, həmçinin Böyük Britaniya ilə münasibətlərin tənzimlənməsi şərtlərini müzakirə edib.

Consonun ofisi "The Sunday Times"a bildirib ki, Britaniya Xarici İşlər Naziri David Cameron bu səfərdən xəbərdardır və Consonun ölkədəki ən yüksək vəzifəli Britaniya diplomatı Kolin Diklə də danışıb.

Xarici İşlər Nazirliyindəki mənbə bildirib ki, Conson yolda olarkən lord Kemeronu görüş haqqında məlumatlandırıb.

Bu, rəsmi müzakirə olmadığı üçün heç bir icazə tələb olunmayıb.

Venesuela dünyanın ən böyük neft ehtiyatlarına malikdir. Qəzet vurğulayır ki, bu ölkə Rusiya prezidenti Vladimir Putinin tərəfdarıdır və Rusiyanın Ukraynaya təcavüzündə NATO-nu günahlandırır.