Cənubi Koreya və ABŞ birgə süni intellekt işçi qrupu yaradıb.

"Operativ Media" xəbər verir ki, bu barədə
Cənubi Koreya Xarici İşlər Nazirliyi açıqlayıb.

Nazirlikdən verilən açıqlamada bildirilib ki, Cənubi Koreya və ABŞ ilə əməkdaşlıq çərçivəsində yaradılan birgə süni intellekt işçi qrupunun ilk iclası keçirilib.

Görüşdə tərəflər süni intellekt sahəsində beynəlxalq standartların işlənib hazırlanması və birgə tədqiqatların aparılması üçün əməkdaşlıq etmək barədə qərar qəbul ediblər.

Birgə işçi qrupunun iki ölkə arasında texnologiya sahəsində əməkdaşlığı artıracağı vurğulanıb.