Bayden: ABŞ Qəzzada atəşkəsə nail olmaq istəyir

Birləşmiş Ştatlar administrasiyası Qəzza zolağında HƏMAS hərəkatı tərəfindən saxlanılan girovların azad edilməsinə və münaqişənin genişlənməsinin qarşısını alacaq atəşkəsə nail olmaq öhdəliyinə sadiqdir. 

"Operativ Media" xəbər verir ki, bu barədə ABŞ prezidenti Co Bayden Ağ Evdə İraqın baş naziri Məhəmməd əl-Sudani ilə danışıqlardan əvvəl bildirib.

"Birləşmiş Ştatlar girovları evlərinə qaytaracaq və münaqişənin mövcud olduğundan daha çox genişlənməsinin qarşısını alacaq atəşkəsə nail olmaq öhdəliyinə sadiqdir", - Ağ Evin mətbuat xidməti Amerika liderinin sözlərindən sitat gətirib.