İranda 50 minə yaxın qanunsuz immiqrant saxlanılıb

İran ordusu cənub-şərq sərhəd bölgələrində 50 minə yaxın qeyri-qanuni əcnəbi şəxs saxlayıb.

"Operativ Media" xarici mediaya istinadən xəbər verir ki, bunu İran ordusu komandanlığının sözçüsü bildirib.

General Əmir Qulamalyanın sözlərinə görə, ordunun Cənub-Şərqi Regional Bazasının əsgərləri bölgədə pusqu əməliyyatlarında 49,800-ə yaxın qeyri-qanuni əcnəbini saxlayıb və onları sərhəd polisinə təhvil veriblər.

Komandir vurğulayıb ki, saxlanılan mühacirlər Xarici İşlər Nazirliyinin təsdiqindən sonra öz ölkələrinə deportasiya edilir.