İndoneziyada daşqın nəticəsində ölənlərin sayı 67 nəfərə çatıb

 İndoneziyada daşqınlar nəticəsində ölənlərin sayı 67 nəfərə çatıb, 20 nəfər itkin düşmüş hesab olunur.

"Operativ Media" xarici KİV-ə istinadən xəbər verir ki, ötən həftədən başlayaraq yağan yağış nəticəsində İndoneziyanın Sumatra adasındakı ən aktiv vulkanlarından biri - Marapi üzərində böyük soyuq vulkan kütlələri çöküb, yolları, evləri və məscidləri su basıb.

Bundan əvvəl İndoneziyada həftəsonu daşqınlar nəticəsində 58 nəfərin öldüyü bildirilmişdi.