Ərdoğan Slovakiyanın baş nazirinə qarşı sui-qəsdi qınayıb

Türkiyə prezidenti Rəcəb Tayyib Ərdoğan Slovakiyanın baş naziri Robert Fikoya qarşı sui-qəsdi kəskin şəkildə pisləyib.

"Operativ Media" xəbər verir ki, bu barədə Ərdoğan "X"də paylaşım edib. 

"Slovakiyanın baş naziri Robert Fikoya qarşı bu mənfur sui-qəsd cəhdini şiddətlə qınayıram və ona hücum zamanı aldığı xəsarətdən tezliklə sağalmasını arzulayıram. Ölkəm və millətim adından Slovakiya xalqına və hökumətinə səmimi arzularımı çatdırıram", - Ərdoğan yazıb.