İspaniya XİN Əfqanıstanda atışma nəticəsində üç vətəndaşının öldüyünü bildirib

Əfqanıstanda atışma nəticəsində azı 3 İspaniya vətəndaşı ölüb, bir nəfər xəsarət alıb.

"Operativ Media"nın xəbərinə görə, bu barədə İspaniyanın Xarici İşlər Nazirliyindəki mənbələr "TASS" agentliyinə məlumat verib.

Radikal Taliban hərəkatının formalaşdırdığı Əfqanıstan hökumətindəki Daxili İşlər Nazirliyinin rəsmi nümayəndəsi Əbdül Mətin Qani daha əvvəl qeyd edib ki, mərkəzi Bamiyan əyalətində dörd nəfərin ölümü ilə nəticələnən silahlı hücumun təşkilində şübhəli bilinən dörd nəfər saxlanılıb, bunlardan üçü əcnəbidir.