ABŞ nüvə silahlarının tranziti ilə bağlı Tokio ilə gizli protokollar üzrə danışıqları sənədləşdirib

ABŞ 1950-1960-cı illərdə nüvə silahı olan Amerika hərbi gəmilərinin Yaponiya limanlarına səfərləri ilə bağlı gizli protokollar üzrə Yaponiya ilə danışıqların detallarını rəsmi sənədlərə daxil edib.

"Operativ Media" xəbər verir ki, bu barədə ABŞ Milli Arxivinin bəzi sənədlərini tədqiq edən Nihon Universitetinin professoru, politoloq Takaşi Şinobun araşdırma aparıb və araşdırmaya istinadən "Asahi" qəzeti məlumat yayıb. 

Professorun əldə etdiyi məlumata görə, 1958-ci ilin sentyabrında Dövlət Departamenti ABŞ-Yaponiya Təhlükəsizlik Müqaviləsinə yenidən baxılması ilə bağlı danışıqlar aparmaq üçün səfir Duqlas MakArtura göstəriş verib. Xüsusilə, onlar nüvə silahı olan ABŞ gəmilərinin Yaponiyanın ərazi sularına və limanlarına daxil olmasının onun hakimiyyət orqanları ilə heç bir koordinasiya olmadan həyata keçirilməsi tələbini ehtiva edib. 

Bu məqsədlə, sonrakı Yaponiya hökumətləri ilə hər hansı anlaşılmazlığın qarşısını almaq üçün məxfi sənəd formalaşdırmaq nəzərdə tutulmuşdu. 

Yaponiya tərəfi uzunmüddətli məsləhətləşmələrdən sonra danışıqlara dair protokol adı altında gizli razılaşmaya razılıq verib. Danışıqların protokolları gizli saxlanılmaqla 1960-cı ilin yanvarında ölkələr arasında yenidən işlənmiş təhlükəsizlik müqaviləsi bağlanıb.