İran İngiltərə, Almaniya və Fransanı terrorizmi dəstəkləməkdə ittiham edib

İran İslam respublikası İngiltərə, Almaniya və Fransanı terrorizmi dəstəkləməkdə ittiham edib.

"Operativ Media" xəbər verir ki, bu barədə İran İslam Respublikasının xarici işlər nazirliyinin sözcüsü Naser Kənani bildirib.

"İran Berlin, London və Parisdən Tehrana Fələstinin HƏMAS hərəkatının Siyasi Bürosunun rəhbəri İsmayıl Haniyənin öldürülməsinə cavab olaraq İsraili vurmaqdan çəkinməyə çağırışlarını terrora ictimai dəstək kimi qiymətləndirir. Bu cür iddialar siyasi məntiqdən uzaqdır, beynəlxalq hüququn prinsip və normalarına tamamilə ziddir. Həddindən artıq tələbləri, beynəlxalq cinayətlərin və terrorizmin regionda mənbəyinə ictimai və praktiki dəstəyi ifadə edir”, - deyə Kənani bildirib.