Fransa millisinin sabiq futbolçusu, UEFA-nın sabiq prezidenti, 69 yaşlı Mişel Platini müasir futboldan şikayətlənib.

"Operativ Media" xəbər verir ki, bu haqda "RMC Sport" məlumat yayıb.

“Mənim nəslimdən olan insanlar indiki oyunda özlərini görmədikləri üçün artıq futbola baxmırlar. İndi topa nəzarət etməyə çox önəm verirlər.

Ola bilsin ki, start heyətini bir futbolçu azaltmaq düzgün olacaq. Bu halda meydançada daha çox boş yer olacaq.

Tənqid etmirəm, amma mənim nəslimdən daha çox hücum futbolunu bilən insanlar indi özlərini futbolda görmürlər”.

Platini həmçinin ofsayd qaydasının ləğvini təklif edib.