Yəmən husiləri ABŞ-nin təyyarə gəmisini atəşə tutub

Yəməndə İranın dəstəklədiyi husilər bir ay ərzində 8-ci dəfə Qırmızı dənizdə ABŞ-ın "USS Harry S. Truman" təyyarədaşıyan gəmisini atəşə tutduqlarını açıqlayıblar.

"Operativ Media" xəbər verir ki, bu haqda husi ordusunun sözçüsü Yəhya Səria açıqlama verib.

"ABŞ təyyarədaşıyan “USS Harry S. Truman” və onu müşayiət edən bəzi döyüş gəmiləri Qırmızı dənizin şimalında bir sıra qanadlı raketlər və pilotsuz uçuş aparatları ilə atəşə tutulub", - deyə o bildirib.

Səria hədəflərə uğurla atəş açıldığını və hücuma görə gəminin əməliyyat bölgəsini tərk etmək məcburiyyətində qaldığını bildirib.