Mütəşəkkil cinayətdə ittiham olunan 2 şəxs Türkiyəyə ekstradisiya edilib - YENİLƏNİB

Ermənistan mütəşəkkil cinayətdə ittiham olunan iki şəxsi Türkiyəyə ekstradisiya edib.

"Operativ Media" xəbər verir ki, bu barədə Türkiyənin Xarici İşlər Nazirliyi məlumat yayıb.

“Ermənistan İnterpolun “qırmızı bildiriş” çərçivəsindəki sorğuya cavab olaraq ölkəmizdə mütəşəkkil cinayət fəaliyyətləri ilə məşğul olan iki şəxsi 19 yanvar 2025-ci il tarixində təhvil vermişdir. Türkiyə Ermənistanın bu məsələdə göstərdiyi əməkdaşlığı təqdir edir”, – məlumatda vurğulanıb.

18:12

Mütəşəkkil cinayət təşkilatının lideri Türkiyəyə gətirilib.

"Operativ Media" xəbər verir ki,  bu barədə TRT Haber məlumat yayıb.

Məlumata görə, Ermənistanla başladılan danışıqlar nəticəsində qırmızı bülletenlə axtarışda olan mütəşəkkil cinayətkar dəstənin lideri Ercan Yılmaz və qırmızı bülletenlə axtarışda olan təşkilat üzvü İbrahim Kaymak Türkiyəyə gətirilib.