Lavrov və Mirzoyanın müzakirə edəcəyi məsələlər açıqlanıb - YENİLƏNİB

Rusiyanın xarici işlər naziri Sergey Lavrov Moskvada ermənistanlı həmkarı Ararat Mirzoyan ilə Azərbaycan və Ermənistan arasında münasibətlərin normallaşdırılmasını müzakirə edəcək.

Bu barədə "Operativ Media" Rusiya Xarici İşlər Nazirliyinə istinadən xəbər verir.

"Nazirlər Azərbaycan və Ermənistan arasında balanslaşdırılmış normallaşmaya nail olmaq məqsədilə Cənubi Qafqazdakı vəziyyətə diqqət yetirəcəklər", - məlumatda deyilir.

İki ölkənin xarici siyasət idarələrinin rəhbərləri həmçinin Rusiya-Ermənistan münasibətləri, Avrasiya İqtisadi İttifaqı (Aİİ) daxilindəki əməkdaşlıq barədə fikir mübadiləsi aparacaqlar.

"Ümid edirik ki, qarşıdan gələn görüş konstruktiv şəkildə keçəcək, Cənubi Qafqazda təhlükəsizlik və sabitliyin möhkəmləndirilməsinə töhfə verəcək”, - məlumatda bildirilib.

16:50

Ermənistan xarici işlər naziri Ararat Mirzoyan sabah Moskvaya səfər edəcək.

"Operativ Media" xarici KİV-ə istinadən xəbər verir ki, onun Lavrovla görüşü nəzərdə tutulub.