İranın şimal-qərbində baş verən zəlzələ nəticəsində yaralıların sayı 973 nəfər çatıb.

"Operativ Media" xəbər verir ki, Tasnimnews.com-a istinadən verir ki, bunu İranda Fövqəladə Hallar Təşkilatının sözçüsüdeyib.

Zəlzələdən zərərçəkmiş 10 nəfər təcili əməliyyat olunub, 24 nəfər xüsusi rejimli xəstəxanalara yerləşdirilib.

***

11:08

İranın şimal-qərbində baş verən zəlzələ nəticəsində ölənlərin sayı 3 nəfər olub, 816 nəfər yaralanıb.

"Operativ Media" xəbər verir ki, bu barədə İSNA agentliyi məlumat yayıb.

***

10:53

İranın Qərbi Azərbaycan vilayətinin Xoy şəhərində baş vermiş zəlzələdə xəsarət alanların sayı 700 nəfərə çatıb.

“Operativ Media" xəbər verir ki, bu barədə “Mehr” agentliyi məlumat yayıb.

Qeyd olunub ki, zəlzələ nəticəsində 2 nəfər ölüb, 660-dan çoxu isə yaralanıb. Qızıl Aypara Cəmiyyəti lazım gələrsə, zəlzələdən zərər çəkmiş ərazilərə texnika və işçi qüvvəsi göndərməyə hazır olduğunu bildirib.

Bildirilib ki, şəhərə dəyən ziyanın qiymətləndirilməsi üçün əraziyə işçi qrupu cəlb edilib.