Gənc Tamaşaçılar Teatrında SABAH İncəsənət Festivalı keçiriləcək

İyunun 2-də Bakı Musiqi Akademiyasının SABAH tələbələrinin ifasında klassik musiqi proqramı, iyunun 3-də isə Azərbaycan Dövlət Mədəniyyət və İncəsənət Universitetinin SABAH tələbələrinin ifasında Franz Kafkanın “Metamorfoz” tamaşası təqdim olunacaq.

Operativ Media xəbər verir ki, bu barədə Elm və Təhsil Nazirliyindən məlumat verilib.

Eyni zamanda iki gün boyunca Azərbaycan Rəssamlıq Akademiyası, eləcə də Azərbaycan Memarlıq və İnşaat Universitetinin SABAH tələbələrinin müxtəlif sahələr üzrə incəsənət nümunələrinin nümayişi olacaq.

Qeyd edək ki, SABAH İncəsənət Festivalı artıq 6 ildir keçirilir.