Qazaxıstan və Türkmənistan transmilli cinayətkarlıqla mübarizədə əməkdaşlıq edəcəklər

Qazaxıstan və Türkmənistan transmilli cinayətkarlıqla mübarizədə əməkdaşlıq edəcəklər.

Operativ Media xəbər verir ki, bu barədə "Kazinform" məlumat yayıb.

Bildirilib ki, Qazaxıstan və Türkmənistan arasında mütəşəkkil cinayətkarlığa, terrorizmə və ekstremizmə, narkotik vasitələrin, psixotrop maddələrin və onların prekursorlarının qanunsuz dövriyyəsi, qeyri-qanuni miqrasiya və insan alveri ilə mübarizə sahəsində əməkdaşlıq edəcəklər.

Əməkdaşlığa cinayətlərin qarşısının alınması sahəsində qarşılıqlı sorğuların yerinə yetirilməsi, operativ və kriminalistik məlumatların, təcrübələrin, mütəxəssislərin, normativ hüquqi aktların mübadiləsi daxildir. Tərəflər, həmçinin hər iki ölkədən mütəxəssislərin hazırlanması və peşəkarlığının artırılmasına köməklik etmək barədə razılığa gəliblər.

Şəfa Hüseynli