Yaponiya Çini qeyri-qanuni tədqiqat fəaliyyətində ittiham edib

Yaponiya Çini Şərqi Çin dənizindəki ucqar Amami adaları yaxınlığındakı iqtisadi zonasının  sularında qeyri-qanuni tədqiqat fəaliyyəti aparmaqda ittiham edərək ona etiraz edib.

Operativ Media xəbər verir ki, bu barədə Yaponiyanın nazirlər kabinetinin Baş katibi Yoşimasa Hayaşi mətbuat konfransında jurnalistlərə bildirib.

“Çin hökumətinə diplomatik kanallar vasitəsilə son dərəcə təəssüf və kəskin etiraz bildirilərək, qanunsuz tədqiqat fəaliyyətlərinə dərhal son qoyulması tələb edilib”, o qeyd edib.