Nyu-York hava limanında iki təyyarə toqquşub

Nyu-Yorkun "La Guardia" hava limanında iki Delta Air Lines təyyarəsi taksi yolunda toqquşub. 

Operativ Media xəbər verir ki, bu barədə "CBS News" məlumat yayıb.

Şimali Karolinadan gələn Endeavour Air 5047 reysi ilə Virciniyaya uçması planlaşdırılan Endeavour 5155 reysi arasında toqquşma olub.

Aviaşirkətin məlumatına görə, ilkin məlumata görə, 5155 saylı reysin qanadı 5047 saylı reysin gövdəsi ilə təmasda olub.

Hadisə nəticəsində stüardessa yüngül bədən xəsarətləri alıb və xəstəxanaya yerləşdirilib.

Hər iki təyyarənin göyərtəsində 93 nəfər olub.


Şəfa Hüseynli