Rusiya ABŞ ilə tamhüquqlu münasibətlərin bərpası da daxil olmaqla, öz milli maraqlarını rəhbər tutmaq hüququnu özündə saxlayır.

Operativ Media xəbər verir ki, bunu Rusiya prezidenti Vladimir Putin Valday Diskussiya Klubunun plenar iclasında bildirib.

“Biz görürük ki, ABŞ-nin hazırkı administrasiyası ilk növbədə öz ölkəsinin maraqlarını – onları necə başa düşürsə, o şəkildə rəhbər tutur”, – deyə Putin qeyd edib.

O, bunu rasional yanaşma kimi qiymətləndirib.

Prezident əlavə edib ki, Rusiyanın da öz milli maraqlarını rəhbər tutmaq hüququ var və bu maraqlara ABŞ ilə tamhüquqlu münasibətlərin bərpası da daxildir.