UEFA Çempionlar Liqasında həftənin ən yaxşı oyunçusu adına namizədlər açıqlanıb

Çempionlar Liqasında həftənin ən yaxşı oyunçusu adına namizədlər müəyyənləşib.

Operativ Media xəbər verir ki, yarımfinal mərhələsinin ilk oyunları baş tutub.

Səsvermədə "Bavariya" ilə matçda (5:4) iki qol vuran və bir məhsuldar ötürmə edən "PSJ"-nin hücumçusu Usman Dembele, həmçinin "Atletiko"nun "Arsenal"la heç-heçə (1:1) oynamasına kömək edən hücumameyilli yarımmüdafiəçisi Antuan Qrizmann iştirak edir.

Həftənin ən yaxşı oyunçusu UEFA-nın rəsmi saytında aparılan səsvermə yolu ilə müəyyənləşəcək.

Qeyd edək ki, cavab qarşılaşmaları bir həftə sonra keçiriləcək: mayın 5-də Londondakı "Emireyts" stadionunda "Arsenal" "Atletiko"nu, mayın 6-da isə Münhendəki "Alyans Arena"da "Bavariya" "PSJ"-ni qəbul edəcək. Oyunlar Bakı vaxtı ilə saat 23:00-da başlayacaq.