"Böyük Dəbilqə": Azərbaycanın daha bir cüdoçusu mübarizəyə başlayır

Tacikistanın paytaxtı Düşənbədə keçirilən cüdo üzrə Böyük Dəbilqə turnirinin ikinci günündə Azərbaycanın bir təmsilçisi tatamiyə çıxacaq.

Operativ Media xəbər verir ki, kişilər arasında -73 kq çəki dərəcəsində mübarizə aparan Rəşid Məmmədəliyev yarışa 1/8 final mərhələsindən başlayacaq. O, Binyomin Nazirov (Tacikistan) – Vlad Mitru (Moldova) qarşılaşmasının qalibi ilə üz-üzə gələcək.

Yarışın təsnifat mərhələsi saat 11:00-da, final bloku isə 16:00-da start götürəcək. Qarşılaşmaları Judo TV və CBC Sport kanalları vasitəsilə canlı izləmək mümkündür.