İtaliya çempionu Evaristo Bekkalossi 70 yaşında vəfat edib

"İnter"in keçmiş yarımmüdafiəçisi Evaristo Bekkalossi vəfat edib.

Operativ Media xəbu barədə ANSA agentliyi məlumat yayıb.

Eks-futbolçunun 69 yaşı var idi. O, 2025-ci ilin yanvarında ağır xəstəlik keçirmiş, daha sonra uzun müddət komada qalmışdı. Bekkalossi Breşiya şəhərindəki klinikalardan birində dünyasını dəyişib.

Bekkalossi 1979/80 mövsümündə "İnter"lə birlikdə Seriya A-nın çempionu olub. O, həmçinin həm "İnter"in (1981/82), həm də "Sampdoriya"nın (1984/85) heyətində bir dəfə İtaliya Kubokunu qazanıb.

Yarımmüdafiəçi karyerası ərzində "Breşiya", "Montsa", "Barletta" və "Pordenone" klublarında da çıxış edib.