Zamiq Əliyev qol vurdu, komandası qalib gəldi

Albaniya Super Liqasında 35-ci turun oyunları keçirilib.

Operativ Media xəbər verir ki, Azərbaycan milli komandasının müdafiəçisi Zamiq Əliyevin çıxış etdiyi "Eqnatiya" doğma meydanda Vüsal İsgəndərlinin komandası "Partizani"ni 2:0 hesabı ilə məğlub edib.

Matçın 17-ci dəqiqəsində komandasının ilk qoluna imza atan Zamiq Əliyev oyunun sonuna qədər meydanda olub. Vüsal İsgəndərli isə oyuna start heyətində başlasa da, fasilədə əvəzlənib.

Hazırda "Eqnatiya" 57 xalla turnir cədvəlinin 3-cü, "Partizani" isə 45 xalla 5-ci pilləsində qərarlaşıb.