Bakı–Xankəndi Azərbaycan Velosiped Yarışının mükafat fondu 50 min avro təşkil edir.

Operativ Media xəbər verir ki, bu barədə Azərbaycan Velosiped İdmanı Federasiyasının birinci vitse-prezidenti, yarışın Təşkilat Komitəsinin sədri Sahib Ələkbərov turnirə həsr olunmuş mətbuat konfransında məlumat verib.

Qurum rəsmisinin sözlərinə görə, mükafat Beynəlxalq Velosipedçilər İttifaqı (UCI) tərəfindən yarışda fərqlənən idmançılara təqdim olunacaq.