Orxan Məmmədov: Meydana tarix yazmağa çıxacağıq

"Zirə"nin Müşahidə Şurasının sədri Orxan Məmmədov "Sabah"a qarşı keçirəcəkləri Bizon Azərbaycan Kubokunun final oyunundan əvvəl komanda ilə görüşüb.

Operativ Media xəbər verir ki, funksioner bu barədə rəsmi hesabında paylaşım edib.

O, komandasına inandığını vurğulayıb:

"Bu axşam komanda ilə böyük final öncəsi son görüşümüzü etdik. Gözlərdə inam, qürur və sona qədər döyüşməyə hazır olan bir kollektiv gördüm. Sabah meydana sadəcə oynamağa yox, tarix yazmağa çıxacıyıq".

Qeyd edək ki, bu gün keçiriləcək "Sabah" - "Zirə" oyunu saat 20:00-da başlayacaq.