AFFA "Qəbələ" klubunu 14500 manat cərimələdi
AFFA İntizam Komitəsi Premyer Liqa klublarını cərimələyib.
Operativ Media xəbər verir ki, bu barədə qərar qurumun növbəti iclasında qəbul edilib.
Azərbaycan Premyer Liqasında XXXI turun “Qəbələ” – “Qarabağ” oyununun 86-cı dəqiqəsində “Qəbələ” komandasının 11 nömrəli futbolçusu Asif Məmmədov hakimi təhqir etdiyinə görə birbaşa qırmızı vərəqə aldığı üçün 4 oyun oyuna buraxılmasın, “Qəbələ” komandası 10000 manat cərimə edilsin.
9 may 2026-cı il tarixində Misli Premyer Liqasında XXXI turun “Qəbələ” – “Qarabağ” oyunu bitdikdən sonra meydançaya kənar şəxslər daxil olduğuna görə “Qəbələ” komandası 2500 manat cərimə edilsin (maddə 86.3);
Azərbaycan Premyer Liqasında XXXI turun “Qəbələ” – “Qarabağ” oyunu bitdikdən sonra meydançaya kənar əşya atıldığına görə “Qəbələ” komandası 2000 manat cərimə edilsin.
Azərbaycan Premyer Liqasında XXXI turun “Neftçi” – “Şamaxı” oyununda “Şamaxı” komandasının 4 futbolçusu sarı vərəqə aldığı üçün “Şamaxı” komandası 700 manat cərimə edilsin.
Bizon Azərbaycan Kubokunda final qarşılaşması olan “Sabah” – “Zirə” oyununda “Zirə” komandasında 5 nəfər sarı vərəqə aldığı üçün “Zirə” komandası 700 manat cərimə edilsin.
